Hartimi i Strategjisë së Arsimit 2035+
Sh.G|RTKlive
Ministria e Arsimit po ashtu në bashkëpunim me Këshillin e Prindërve të Kosovës, organizon takim me prindërit rreth hartimit të strategjisë për arsimin 2035. Ky cikël i takimeve do të fillojë nesër me rajonin e Prishtinës.
Prindërit e rajonit të Prishtinës do të takohen nesër me ministrin e Arsimit, Hajrulla Çekun, ku do të bashkëbisedojnë për hartimin e strategjisë për arsimin 2035.
Kryetari i Këshillit të Prindërve, Besnik Dragusha, tha se nga ministri do të kërkojnë që mësimi tetëditor të aplikohet në të gjitha shkollat e vendit, si dhe të ndryshohet kurrikula mësimore.
“Ndryshimin e teksteve shkollore për shkenca natyrore kemi kërkuar që ato të merren nga modelet e avancuara dhe të përkthehen, sepse nuk po kemi sukses me libra të shkruara nga ne në testin pisa, por ato të përkthehen nga Anglia apo Singapori”, tha - Besnik Dragusha , Kryetar I këshillit të prindërve.
Ndërsa ministri i Arsimit, Hajrulla Çeku, ka thënë se pjesë e strategjisë së re për arsim do të jetë edhe përdormi i drejtë i teknologjisë artificiale.
Takime të njëjta do të mbahen në të gjitha komunat e vendit, ku janë të ftuar të gjithë prindërit që t’i shprehin propozimet, me qëllim të përmirësimit të performancës së nxënësve në nivelin arsimor të ulët dhe atë të mesëm.























