12:58 / 21.10.2026
Rifillojnë punimet për asfaltimin e rrugës Bibaj–Talinoc i Muhaxherëve
Sh.G|RTKlive
Kanë rifilluar punimet për asfaltimin e rrugës Bibaj–Talinoc i Muhaxherëve në Ferizaj, pas tejkalimit të problemeve që lidheshin me projektin.
Ministri Dimal Basha ka bërë të ditur se projekti kap vlerën e 2.5 milionë eurove dhe financohet tërësisht nga Qeveria e Kosovës, në kuadër të Memorandumit të Bashkëpunimit me Komunën e Ferizajt.
Sipas tij, investimi synon përmirësimin e infrastrukturës rrugore, rritjen e sigurisë në komunikacion dhe lehtësimin e lidhjeve ndërmjet vendbanimeve.























