PEN Qendra e Kosovës ka botuar numrin e 16-të të revistës letrare dhe kulturore “PEN Kosova”, e cila sjell krijime letrare artistike të zhanreve të ndryshme, përkthime letrare, studime dhe ese nga autorë vendorë e ndërkombëtarë.

Një pjesë e veçantë e këtij numri i kushtohet shkrimtarit dhe akademikut Rexhep Qosja, në kujtim të tij. Në revistë janë përzgjedhur krijime artistike dhe shkrime studimore që lidhen me veprën e tij.

Numri i ri përfshin krijime në prozë, poezi, kritikë letrare dhe ese, duke sjellë një ndërthurje të autorëve, zhanreve dhe stileve të ndryshme letrare.

Revista synon të shërbejë si platformë për promovimin e krijimtarisë letrare dhe studimore, duke bashkuar autorë me prejardhje, përvoja dhe stile të ndryshme artistike.