Punëtoria dyditore, e përkushtuar hartimit të planit për menaxhimin e rasteve me numër të madh të viktimave, ka përfunduar me sukses, në kuadër të iniciativave të vazhdueshme rajonale dhe institucionale për mbrojtjen civile në Kosovë.

Në këtë aktivitet morën pjesë rreth 50 persona, përfshirë profesionistë shëndetësorë, përfaqësues të rëndësishëm të sektorit të shëndetësisë, si dhe përfaqësues të Organizatës Botërore të Shëndetësisë (OBSH), KFOR-it dhe institucioneve të tjera vendore.

Pjesëmarrja e gjerë dhe ndërdisiplinore kontribuoi në përmirësimin e koordinimit ndërinstitucional, shkëmbimin e praktikave të mira dhe forcimin e kapaciteteve strategjike për menaxhimin e emergjencave të mëdha mjekësore.

Punëtoria shënoi një hap të rëndësishëm drejt forcimit të gatishmërisë operacionale, përmirësimit të protokolleve për ndërhyrje të shpejtë dhe thellimit të bashkëpunimit ndërmjet strukturave civile dhe atyre ndërkombëtare në vend.

Në vijim, grupet përkatëse të punës dhe institucionet do të vazhdojnë me hapat e mbetur proceduralë për finalizimin, miratimin formal dhe aprovimin e planit kombëtar.