21:35 / 17.05.2019
Veseli: Çështja e fotografisë, një lojë e djallit, e armikut
Kryetari i Kuvendit të Kosovës, Kadri Veseli, ka thënë se rasti i fotografisë së fundit ka karakteristikat e lojës së shërbimeve sekrete armike.
Ai në një emision në RTV Dukagjini ka thënë se kjo është loje e shërbimeve sekrete armiqësore.
“Kjo është një lojë e djallit, e armikut. Unë e njoh mirë këtë lojë. Kjo është tipike e një lufte speciale”, ka thënë Veseli.
Ai thotë se këto shërbime mund të kenë prekur pas luftës shoqatat që janë marrë me krimet e luftës, me të pagjeturit dhe me viktimat e tjera.
“Është një fatkeqësi e madhe nëse ka ndodhur prej vitit 2003. Targetimi mund të ketë ndodhur te shoqatat që janë marrë me krimet e luftës”, ka thënë Veseli.























