09:47 / 20.06.2019
Phil Bosmans
THJESHT, TË DUA
Askush tjetër nuk është si ti.
Ti je i veçantë, i thjeshtë,
krejtësisht origjinal dhe i papërsëritshëm.
Nuk e beson këtë,
por askush nuk është si ti -
përgjithmonë.
Dhe çdo njeri që dashuron
nuk është ndonjë njeri i thjeshtë.
Prej tij rrezatohet
një forcë e pazakonshme tërheqëse.
Dhe ti, pas saj,
në njëfarë mënyre tjetërsohesh.
Mund edhe të thuash:
Për sa më përket mua
nuk do të thotë të jesh i pagabueshëm,
pa gabime dhe i përsosur sepse,
unë thjesht të dua.
(Përktheu: Salajdin Salihu. Marrë nga numri i pestë i revistës “Akademia”)























