Skënder Gashi nderohet me Medalje presidenciale të Meritave
BKT
Lajme

Skënder Gashi nderohet me Medalje presidenciale të Meritave

Është vlerësuar lart jeta dhe vepra e albanologut Skënder Gashi, i cili është ndarë nga jeta më 27 qershor.

Kontributi i tij dhënë në fushën e albanologjisë, si dhe kontributi për tërë angazhimin e tij në arsim, shkencë, art, kulturë, rini, sport, shëndetësi, shërbim civil, në rrafshin diplomatik dhe shtetndërtim të Kosovës, është vlerësuar me medalje Presidenciale të Meritave.

E medaljen familjarëve ia dorëzoi presidenti i vendit Hashim Thaçi, i cili tha se roli i profesor Skënderit është një rol i jashtëzakonshëm dhe emblematik për shkencën shqiptare, afirmimin diplomatik të Kosovës.

Nënkryetari i LDK-së Lutfi Haziri, tha se janë mbledhur për t’i dhënë lamtumirën e fundit profesorit i cili edhe në Prishtinë edhe në Vjenë gjithë jetën ia ka kushtuar misionit si profesor dhe si veprimtar.

Ai tha se i thonë lamtumirën e fundit profesorit Skënder Gashi, duke pasur parasysh testamentin e gjallë të tij për ta dashur Kosovën, ta ruajnë dhe ta zhvillojnë Kosovën.

Për profesorin Skënder Gashi, ka folur edhe profesori Rifat Blaku, i cili tha se emri dhe vepra e tij nuk do të shuhet kurrë.

Djali i profesorit Skënder Gashi, njëherësh zëvendëskryeministri i Kosovës Dardan Gashi, ka falënderuar të gjithë që kanë nderuar jetën dhe veprën e babait të tij.

Profesori Skënder Gashi është varrosur në ora 14:00,në fshatin e tij të lindjes,  në Mramor të Prishtinës.


MË SHUME NGA Lajme