18:27 / 19.07.2019
Majko: Haradinaj kreu një akt që i bën nderë Kosovës shtet
Ministri i Diasporës shqiptare, Pandeli Majko thotë se Haradinaj ka dhënë dorëheqje si një burrë shteti.
Sipas tij, Haradinaj ishte komandant për shembullin e luftës, dhe sot në atë të paqes.
Shkrimi i tij i plotë:
Ramush Haradinaj ka dhënë dorëheqjen nga posti i kryeministrit si një burrë shteti. Ai kreu një akt që i bën nder Kosovës shtet që drejtohet nga shtetarë të cilët bëjnë dallimin e fatit personal me atë të sigurisë kombëtare.
Veprat e një njeriu vlejnë më shumë se dobësitë e tij.
Sot jam me Ramushin! Të falenderoj komandant për shembullin e luftës, dhe sot në atë të paqes.























