Rafuna: Buxheti për zgjedhje do të sigurohet
BKT
Lajme

Rafuna: Buxheti për zgjedhje do të sigurohet

Zgjedhjet e përgjithshme në Kosovë do të mbahen më 6 tetor. Deri më tani buxheti për mbarëvajtjen e zgjedhjeve ende nuk është siguruar, por Lulzim Rafuna, këshilltar i ministrit në dorëheqje Bedri Hamza, ka konfirmuar për RTK-në, se gjatë ditës së sotme kjo ministri e ka shqyrtuar kërkesën e marrë nga KQZ dhe se KQZ do të ketë mjetet në dispozicion në bazë të procedurave ligjore.

Ndonëse nuk është bërë e ditur dita se kur këto mjete do t'i barten në buxhetin e KQZ-së, Rafuna thotë se Ministria e Financave për hir të mbarëvajtjes së procesit dhe interesit publik, në bazë të dispozitave ligjore do të marrë veprime që KQZ të ketë në dispozicion buxhetin.

Leonora Bërbatovci, RTK


MË SHUME NGA Lajme