AKR premton zhvillim ekonomik të Kosovës
BKT
Lajme

AKR premton zhvillim ekonomik të Kosovës

Aleanca Kosova e Re në ditën e dytë të fushatë zgjedhore para qytetarëve të Ferizajt ka shpalosur programin e saj dhe kandidatët për deputetë në Kuvendin e ardhshëm të Kosovës.

Duke shpalosur prioritetet për qeverisjen e ardhshme katërvjeçare, zëvendës presidenti i kësaj partie, Vesel Makolli ka premtuar zhvillim në fushën e arsimit, ekonomisë dhe shëndetësisë.

Ai ka kërkuar votën për koalicionin Nisma-AKR- PD pasi sipas tij vetëm duke e votuar këtë koalicion mund të nxirret shteti nga gjendje e rëndë me të cilën po ballafaqohet.

Ndërsa, kandidati për deputet nga Partia e Drejtësisë, Ferid Agani tha se qytetarët e Kosovës duhet të votojnë ndershmërinë dhe profesionalizmin e koalicionit Nisma-AKR-PD e jo, siç u shpreh, arrogancën e partive tjera politike, e cila sipas tij duke u ripaketuar nga zgjedhjet në zgjedhje e kanë varfëruar qytetarin e Kosovës.

Agani tha se ky koalicion ka kuadro dhe profesionistë përmes kandidatëve për deputetë, të cilët mund të realizojnë premtimet e dhëna.

Kandidati për deputet nga Aleanca Kosova e Re, Islam Pacolli tha se AKR në krye me Behgjet Pacollin është partia që mund ta luftojë korrupsionin dhe mund ta zhvillojë ekonomikisht Kosovës.  Teksa ka ftuar qytetarët që mos të dëgjojnë demagogji, tha se ata që flasin shumë kurrë nuk kryejnë punë.

Kandidatët për deputetë nga Kuvendi i Kosovës nga AKR janë Behgjet Pacolli, Mirlinda Sopi-Krasniqi, Islami Pacolli, Refiqe Tërnava, Vesel Makolli, Fatmir Matoshi, Ekrem Mustafa, Sevdije Lama, Sedat Ismajli, Skender Avdyli, Avdullah Mehmeti, Alma Lamqja, Xhylie Ibrahimi.


MË SHUME NGA Lajme