Nis Forumi Ndërkombëtar Rinor për Punësim të Gjelbër
BKT
Lajme

Nis Forumi Ndërkombëtar Rinor për Punësim të Gjelbër

Nën patronatin e Presidentit të Republikës së Kosovës, Hashim Thaçi, sot ka nisur edicioni i dytë për Evropë Qendrore dhe Lindore i Forumit Ndërkombëtar Rinor për Punësim të Gjelbër 2019, përmes të cilit synohet promovimi i punësimit të gjelbër në favor të të rinjve në Kosovë.

Ministri në largim i Zhvillimit Ekonomik, Valdrin Lluka tha se Kosova së fundmi ka kaluar strategjinë për mjedis dhe atë për energji të ripërtrishme, por që sipas tij, sfidë mbetet edukimi i të rinjve në fushën e energjisë dhe inxhinierisë.

Lluka tutje tha se Kosova është në negociata me Komisionin Evropian për të bërë strategjinë për klimë dhe energji, që është strategji të përbashkët për vitin 2021-2030, që nënkupton edhe hapje të reja të vendeve të punës në Kosovë.

Rennie Yotova nga Organizata Ndërkombëtare Frankofone tha se ndryshimet klimatike nuk njohin kufij, prandaj sipas saj, qytetarët kudo duhet të kuptojnë që ambienti duhet të mbrohet.

Sipas saj, përmes këtij forumi po u jepet mundësi të rinjve që të reflektojnë me ide të reja drejt prosperitetit rajonal.

Nga Ambasada e Francës në Kosovës, Marie Christine Butel është shprehur e lumtur që aktivitetet frankofone po përkrahen në Kosovës, teksa tha se qëllimi i tyre është që gjuha frënge të jetë pjesë e shoqërisë kosovare.

Sipas saj, përmes këtij forumi të rinjtë frankofon do kenë të ardhme.

“Forumi Ndërkombëtar Rinor për Punësim të Gjelbër 2019," do të zhvillojë aktivitetin më 3,4 dhe 5 tetor 2019.


MË SHUME NGA Lajme