Tetori i këtij viti më i nxehti në histori
Tetori 2019 ka qenë muaji më i nxehtë i regjistruar ndonjëherë në planet, njoftoi shërbimi evropian “Copernicus” mbi ndryshimet klimatike duke shtuar se bëhet fjalë për të pestin muaj radhazi që thyen ose i afrohet një rekordi.
Muaji tetor këtë vit ka qenë 0,63 gradë celsius mbi temperaturën mesatare të periudhës së referencës 1981-2000, duke tejkaluar me 0,01 gradë celsius tetorin 2015, por me 1,2 gradë celsius mbi temperaturën para-industriale.
“Është muaji i pestë radhazi që regjistron një rekord ose afrohet shumë pranë një rekordi”, nënvizoi ”Copernicus” në një komunikatë.
Qershori 2019 ka qenë muaji qershor më i nxehtë dhe korriku që theu rekordin absolut të muajit më të nxehtë të regjistruar ndonjëherë më parë.
Katër vitet e fundit kanë qenë më të nxehtat të regjistruara më parë në planet ndërkohë Organizata Meteorologjike Botërore (OMB) theksoi se viti 2019 do të klasifikohej në vendin e pestë të parashikimeve.























