Kurti kërkon partneritet strategjik mes Kosovës dhe Francës
BKT
Lajme

Kurti kërkon partneritet strategjik mes Kosovës dhe Francës

Kandidati për Kryeministër nga Lëvizja Vetëvendosje, Albin Kurti, po zhvillon një vizitë në Francë.

“Sot në Paris, takova Kryetaren e Komisionit për Punë të Jashtme në Asamblenë Nacionale të Francës, znj. Marielle de Sarnez. Ajo më uroi për fitoren në zgjedhjet e 6 tetorit dhe e theksoi dëshirën dhe nevojën që të thellohen edhe më tej marrëdhëniet bilaterale ndërmjet Francës dhe Kosovës”, ka shkruar Kurti në Facebook.

“I shoqëruar nga ambasadori ynë, z. Qëndrim Gashi, e falenderova znj. de Sarnez për ndihmën e rëndësishme që Franca i ka dhënë Kosovës ndër vite, në kohë lufte e paqe, për siguri dhe zhvillim. Nënvizova gatishmërinë e Kosovës për zhvillimin e një partneriteti të ngushtë e strategjik me Francën në fusha me interes reciprok”.

Ai ka thënë se nikoqiren e ka njoftuar edhe për planin për qeverisje pasi ta marrë mandatin.
“Kryetaren de Sarnez e njoftova edhe për zhvillimet në vend dhe rajon si dhe për përgatitjet tona për programin qeverisës që i përgjigjet vullnetit, të drejtave dhe kërkesës së qytetareve për rend e ligj, luftë kundër korrupsionit, zhvillim ekonomik dhe arsim cilësor”.


MË SHUME NGA Lajme