19:31 / 14.11.2019
Kadri Veseli uron që sonte Kosova të fitojë në Çeki
Lideri i PDK-së Kadri Veseli është shprehur optimist se Kombëtarja e Kosovës do të shënojë sonte fitore si mysafir kundër Çekisë.
"Kosova ka shkëlqyer në arenën ndërkombëtare të futbollit. Të tillë e presim edhe sonte në Çeki. Suksese djem ! ", ka shkruar Veseli në profilin e tij në Facebook.
Sonte, nga ora 20.45 fillon ndeshja kualifikuese për evropianin 2020 ndërmjet Republikës Çeke dhe Kosovës. Një fitore e Kosovës do të shtonte gjasat për kualifikim direkt nga grupi.























