06:46 / 04.12.2019
Sot publikohet raporti i auditimit të institucioneve arsimore
Sot mbahet tryeza e organizuar nga Zyra Kombëtare e Auditimit për prezantimin e raportit të auditimit të performancës “Menaxhimi i Mirëmbajtjes së Institucioneve Publiko Arsimore”.
Në tryezë janë të ftuar përfaqësues nga Ministria e Arsimit Shkencës dhe Teknologjisë, Agjencia e Ushqimit dhe Veterinës, Komuna e Prishtinës, Vushtrrisë dhe Ferizaj-it, si dhe përfaqësues nga Instituti Kombëtar i Shëndetësisë Publike, shoqëria civile, mediat e organizatat ndërkombëtare.
Tryeza është e hapur për publikun dhe ka karakter informues lidhur me përmbajtjen, gjetjet dhe rekomandimet e auditimit.























