18:13 / 28.12.2019
Zbulohet data e debutimit të dytë të Ibrahimovic me Milan
Zlatan Ibrahimovic është lojtari i parë që ka arritur marrëveshje me Milan, për merkaton e dimrit.
Ibrahimovic do të kthehet për një aventurë të dytë me skuadrën ‘Rosoneri’, pas aventurës së tij me LA Galaxy.
Ylli suedez ka nxitur reagime të shumta në rrjetet sociale. Tifozët e Milan po e presin me padurim debutimin e tij.
‘Gazzetta dello Sport’ shkruan se 6 janari pritet të jetë data kur Ibra do të debutojë, transmeton lajmi.net.
Milan do të ketë përballë skuadrën e Sampdoria në këtë datë. Ibrahimovic pritet të jetë një shtysë e madhe për skuadrën ‘kuq e zi’.























