21:57 / 09.01.2020
Zyrtari i VV-së: Ka opsione të reja në tavolinë
Zyrtari i Lëvizjes Vetëvendosje, Arbër Zaimi, duke komentuar për negociatat me LDK-në, ka thënë se ka opsione të reja në tavolinë.
“Portalet menjëherë fillojnë me spekulime pa lidhje. Gazetaria dhe spekulimi janë gjëra të ndryshme. Rrenat nuk janë lajm. Bisedimet mes LV e LDK janë duke u zhvilluar, intensive si kurrë më parë. Ka opsione të reja në tavolinë, ka edhe lëvizje, por ende nuk ka marrëveshje. Do të marrë kohën e vet marrëveshja, sepse ne nuk dëshirojmë marrëveshje të padrejtë. Kur s’keni çfarë bëni, lexoni letërsi ose shihni ndonjë film, siç bëj unë. S’ka nevojë për fake neës”, ka shkruar Zaimi.























