Haradinaj përkujton kryetrimin shqiptar Gjergj Kastrioti-Skënderbeu
BKT
Lajme

Haradinaj përkujton kryetrimin shqiptar Gjergj Kastrioti-Skënderbeu

Nesër mbushen 552 nga vdekja e kryetrimit shqiptar që për më shumë se 25 vjet mbrojti Shqipërinë nga sulmet e Perandorisë Otomane.

Kryeministri në detyrë Ramush Haradinaj me këtë rast shkruan në Facebook se më 17 janar 1468, pushoi së rrahuri zemra e themeltarit të Shqipërisë, kryeprincit të shqiptarëve, Gjergj Kastrioti Skënderbeu.

“Gjenerali që sfidoi superfuqitë e kohës, është gjithmonë frymëzimi për secilin që ndjehet shqiptar. Vepra e tij gjithmonë ndezi shkëndijat e kryengritjeve për liri. Lum shqiptarët që e kishin. Lavdi e përjetshme”, shkruan Haradinaj.

Gjergj Kastriot Skënderbeu vdiq në moshën 63-vjeçare. Ai konsiderohet nga shumë vende të Evropës Perëndimore si heroi që pengoi Perandorinë otomane të pushtonte Perëndimin e Evropës. 

Vdekja e Skënderbeut nënkuptoi fundin e pavarësisë së Shqipërisë, që vetëm falë tij arriti të shfaqej si një shtet i bashkuar dhe i pavarur.


MË SHUME NGA Lajme