09:57 / 27.01.2020
Shkodra: Shqiptarët të vetmit në botë që i mbrojtën hebrenjtë
Sot shënohet Dita Ndërkombëtare e Përkujtimit të Viktimave të Holokaustit, ku përkujtohen miliona viktima të gjenocidit nazist gjatë Luftës së Dytë Botërore.
Ruzhdi Shkodra, kryetar i Bashkësisë Hebreje "Bet Israel Kosova", tha se me rastin e ditës ndërkombëtare përkujtimore të Holokaustit në Kosovë do të ketë disa aktivitete në nderim të atyre që u vranë.
" Kontributi i shqiptarëve në mbrojtjen e hebrenjve është shumë i madh dhe kjo vlerësohet nga Izraeli" , tha ai sot në emisionin e mëngjesit "Mirëmëngjesi Kosovë", në Radio Televizionin e Kosovës (RTK),
Sipas tij gjashtë milionë hebrenj u vranë në përpjekjen sistematike naziste për shfarosjen e tyre.























