Kurti: Vdekja e Nexhmije Pagarushës është humbje e madhe për të gjithë
Kryeministri Albin Kurti ka ngushëlluar të gjithë artdashësit për ndarjen nga jeta të këngëtares Nexhmije Pagurushën.
Kryeministri Kurti ka shkruar në Facebook se zëri i Nexhmije Pagarushës nuk pushon.
“Bilbili na la. Këngët e saj po më sillen nëpër kokë. Zëri i saj s’pushon. Mes pak minutave të lirë nga takimi në takim, që po i kam, po e gjej veten duke menduar rreth këtyre këngëve”, ka shkruar Kurti.
Postimi i plotë:
Sot për ty të gjithë i kemi sytë e njomë!
Bilbili na la. Këngët e saj po më sillen nëpër kokë. Zëri i saj s’pushon. Mes pak minutave të lirë nga takimi në takim, që po i kam, po e gjej veten duke menduar rreth këtyre këngëve.
Nexhmije Pagarusha, talentja e papërsëritshme muzikore, vdiq sot në moshën 86 vjeçare. La pas vetes plot 5 albume e 88 këngë. Më shumë vepra se vite jete. Secila këngë më e mirë se tjetra.
Ngushëllime të gjithë artdashësve. Kjo është humbje e madhe për gjithë popullin e për muzikën.























