21:01 / 19.02.2020
Limaj për shkarkimet: Qeveria veproi paligjshëm
Lideri i Nismës Socialdemokrate, Fatmir Limaj, ka thënë se Qeveria e Albin Kurtit mori vendime të paligjshme kur shkarkoi sekretarë permanentë.
Ai ka folur të mërkurën në “Debat” te RTK.
“Askush nuk duhet të ndihet i lumtur kur një qeveri merr vendime të paligjshme. Sot unë kam parë vendime të paligjshme, siç është vendimi për shkarkimin e sekretarëve permanentë. Është i paligjshëm sepse ka prekur te shërbyesit civilë”, ka thënë Limaj.
Ai ka theksur se kjo po bëhet për t’i hapur rrugë punësimit të bashkëpartiakëve.























