15:50 / 22.02.2020
Kalou drejt transferimit në SHBA!
Salomon Kalou kërkon të largohet sa më parë nga Hertha Berlin.
Sulmuesi 34-vjeçar i cili luan prej 5 sezonesh në ekipin gjerman e shikon të ardhmen në Major League Soccer ku synon të nënshkruajë edhe kontratën e fundit si futbollist profesionist.
Kalou ka marrë disa oferta dhe u kërkon drejtuesve ta lënë të lire pasi në mars nis dhe sezoni i ri në SHBA por drejtuesit po hezitojnë.
Sulmuesi ka kontratë deri në qershor me Herthan dhe aktivizohet shumë pak ndaj dhe palët po negociojnë për ta mbyllur bashkëpunimin përpara qershorit.























