Nagavci: Mocioni në kohë pandemie u iniciua duke përdorur pretekste
Nënkryetarja e Kuvendit, Arbërie Nagavci, tha se mocioni i mosbesimit u iniciua në kohën e pandemisë duke përdorur pretekste.
Ajo tha se me këtë po i qesin në sipërfaqe lidhjet e vjetra, njofton Klan Kosova.
Megjithatë, ajo tha se do të vijnë ditë të mira dhe se ka shpresë.
Statusi i plotë:
Të dashur miq, kujdesuni për veten në këto ditë pandemie, përcillni këshillat e ekspertëve shëndetësor, respektoni vendimet e Qeverisë.
Ky mocion i mosbesimit të Qeverisë në kohën e pandemisë, duke përdorur pretekste, vetëm se shpërfaq të vërtetën për lidhjet e vjetra e fatkeqësisht duket të pazgjidhura të personave të shantazhueshëm. Në situata emergjente shëndetësore si kjo që jemi, e gjithë vëmendja duhet të ishte te bashkëpunimi qeveritar, te konstruktiviteti e profesionalizmi, por fatkeqësisht jo të gjithë mendojnë kështu.
Qeveritë vinë e shkojnë, përderisa ka të tillë që nuk shantazhohen, që interesin e qytetarëve e kanë në radhë të parë, përkundrejt atyre që zgjedhin të mbeten në llumin ku janë zhytur, ka zgjidhje e shpresë.
Ky vend duhet të bëhet se s’bën.
Kujdesuni për shëndetin miq, ka kohë dhe do të ketë dhe ditë më të mira.























