Rreth 7,000 teste për koronavirus arrijnë në Kosovë
BKT
Lajme

Rreth 7,000 teste për koronavirus arrijnë në Kosovë

Rreth 7 mijë teste të reja, që shërbejnë për të testuar pacientët që dyshohen se janë infektuar me koronavirus, kanë arritur në Kosovë.

Lajmi është bërë i ditur nga Faik Hoti, drejtor i departamentit për informim në Ministrinë e Shëndetësisë, raporton Radion Evropa e Lirë .

“Materialet ose testet janë në Kosovë dhe ato mund të shfrytëzohen nga Instituti Kombëtar i Shëndetësisë Publike të Kosovës”, ka thënë Hoti.

Sipas tij, testet janë sjellë nga Shtetet e Bashkuara, Gjermania dhe Anglia, përmes një kompanie vendore.

Në Kosovë janë të infektuar 86 persona me koronavirus, ndërsa një pacient ka humbur jetën.

Qeveria, tani në detyrë e Kosovës, ka shpallur gjendje emergjente për shëndetin publik.


MË SHUME NGA Lajme