Zemaj: E padrejtë të na kërkohet testi nga Maqedonia
Sharr Travel

Zemaj: E padrejtë të na kërkohet testi nga Maqedonia

Ministri i Shëndetësisë në Kosovë, Armend Zemaj, ka komentuar propozim-vendimin e Maqedonisë së Veriut që të kërkohet testi negativ për Covid-19 për qytetarët që kalojnë kufirin.

“Nuk isha në dijeni që po shqyrtohet kjo cështje nga pala tjetër. E padrejtë të na kërkohet testi nga Maqedonia e Veriut”, thotë ai.

“Ne lëshuam lëvizjen e lirë për shtetet e rajonit. Maqedonia ka më shumë raste se ne por nuk kufizuam lëvizjen pasi edhe atje jetojnë një pjesë e madhe e shqiptarëve.  Ne kishim një numër të madh të qytetarëve që shkuan në Shqipëri gjatë vikendeve. Atje disa qytetarë humbën jetën. Por kontrolli ishte i vështirë në pikat kufitare.”

Zemaj thotë se nëse vendoset nga Maqedonia e Veriut që të kërkoeht testi, atëherë do të merren masa edhe nga pala kosovare.

“Do të shikojmë mundësinë që të vendosim reciprocitet.”, shton ai. /Express/