12:56 / 22.09.2020
"Të përshpejtohet përmbyllja e liberalizimit të vizave për Kosovën"
Të përshpejtohet përmbyllja e liberalizimit të vizave për qytetarët e Kosovës, ka qenë kërkesa e ministres së Jashtme Meliza haradinaj-Stublla për Shefin e Misionit të Zyrës Ndërlidhëse të Mbreterisë së Belgjikës në Kosovë, Jean-Louis Servais.
Haradinaj-Stublla ka njoftuar për takimin e zhvilluar të martën.
Njoftimi i plotë:
Pata sot në takim Shefin e Misionit të Zyrës Ndërlidhëse të Mbreterisë së Belgjikës në Kosovë, z. Jean-Louis Servais
Ritheksova kërkesën tonë për insitutcionet drejtuese të BE-së dhe shtetet anëtare të saj që të përshpejtojnë përmbylljen e liberalizimit të vizave për qytetarët e Kosovës, si dhe u dakorduam për fillimin e konsultimeve politike bilaterale me Belgjikën në nivel të Ministrive të Punëve të Jashtme.























