Ngjarje e rëndë, një i ri theret me thikë në qafë në autobusin e linjës 7A
BKT
Lajme

Ngjarje e rëndë, një i ri theret me thikë në qafë në autobusin e linjës 7A

Një person i moshës rreth 20 vjeç është therur para pak çastesh me thikë në qafë nga një person tjetër.

Ngjarja ka ndodhur në autobusin e linjes 7A rreth, orës 17:00, prapa ndërtesës së komunës së vjetër, (te Plepat) në Prishtinë.

Dëshimtarët që ishin në këtë autobus, i kanë thënë RTKLive se viktima ishte ulur në pjesën e përparme të autobusit, ndërsa me t’u hapur dyert e autobusit në stacion, dy persona që ishin ulur në fund të autobusit janë nisur në drejtim të viktimës dhe njëri nga ta e ka goditur me thikë në qafë dhe kanë zbritur nga autobusi duke ikur në drejtim të panjohur.

Policia ka dalë menjëherë në vendin e ngjarjes, ndërsa personi është dërguar në QKUK.

Nuk dihen motivet e këtij sulmi të tmerrshëm. /RTKLive/


MË SHUME NGA Lajme