Enver Hoxhaj takohet me Gramos Ruçin, flasin për koordinim mbarëshqiptar
BKT
Lajme

Enver Hoxhaj takohet me Gramos Ruçin, flasin për koordinim mbarëshqiptar

Kandidati i Partisë Demokratike të Kosovës (PDK) për kryeministër, Enver Hoxhaj është duke qëndruar në një vizitë në Shqipëri.

Ai mëngjesin e së mërkurës është pritur në takim nga kryetari i Kuvendit të Shqipërisë, Gramos Ruçi.

Hoxhaj i cili ushtron edhe detyrën e kryetarit të PDK-së në këtë vizitë zyrtare në Shqipëri është shoqëruar nga nënkryetari Xhavit Haliti dhe sekretari, Uran Ismaili.

Në këtë takim u diskutua për nevojën e thellimit të bashkëpunimit dhe koordinimit më të mirë në vitin 2021 në raport me sfidat dhe interesat shqiptare në rajon.

“Interesat shqiptare në Ballkan nuk kanë qenë asnjëherë më të rrezikuara në rajon dhe vetëm me një kohezion e bashkëpunim të ngushtë mund të tejkalohen”, ka thënë Hoxhaj në takim me Ruçin.

Kryeparlamentari shqiptar e ka siguruar kryun e PDK-së për mbështetje dhe bashkëpunim të ngushtë në të gjitha fushat.

Ai e ka uruar Hoxhajn për kandidimin për kryeministër të ardhshëm të Kosovës dhe për ndihmën e vazhdueshme të Shqipërisë për Kosovën.

Hoxhaj pritet të ketë një agjendë të ngjeshur të takimeve me krerët e institucioneve tjera dhe liderët e partive politike.


MË SHUME NGA Lajme