23:54 / 04.01.2021
Aksident tjetër, katër të lënduar në rrugën Pejë-Rozhajë
Katër persona janë lënduar në një aksident trafiku në vendin e quajtur “Shpella e Bobit”, në rrugën Pejë – Rozhajë.
Të lënduarit janë dërguar për trajtim në Spitalin e Pejës.
Në këtë aksident janë përfshirë dy vetura, ka njoftuar policia e Pejës.
Dy nga të lënduarit pas trajtimit janë liruar, ndërkaq dy të tjerë janë ndaluar akoma për t’u trajtuar.
Asnjëri nga ata nuk është në rrezik për jetë.
Ky është aksidenti i tretë vetëm gjatë ditës së sotme.























