19:59 / 06.05.2021
Konjufca takohet me përfaqësues të goranëve, premton mbështetje
Me rastin e 6 majit, Ditës së Goranëve, kryetari i Kuvendit të Kosovës, Glauk Konjufca, ka pritur sot në takim përfaqësues të këtij komuniteti në Kosovë.
Konjufca ka uruar komunitetin goran për festën e tyre, duke premtuar mbështetje institucionale dhe fuqizim të bashkëjetësës ndëretnike. Ai tha se Republika e Kosovës është shembull në rajon e më gjerë i garantimit dhe zbatimit të të drejtave të komuniteteve.
Nga ana e tyre, përfaqësuesit e komunitetit goran e uruan kryekuvendarin Konjufca për detyrën dhe shprehën vullnetin për angazhim të përbashkët në proceset zhvillimore të vendit.























