12:09 / 27.05.2021
Gjilani do të luajë ndeshje miqësore me Kosovën
Kosova U-21 edhe zyrtarisht do të luajë ndeshje miqësore me skuadrën e Supërligës së Kosovës, SC Gjilani.
“Dardanët” janë grumbulluar para disa ditëve, ku edhe janë duke bërë përgatitje për ndeshjen e muajit qershor.
Kosova U-21 do të luajë për ndeshjet kualifikuese në Kampionatin Evropian 2021, e kur do të luajë më 8 qershor ndaj Andorrës në stadiumin “Fadil Vokrri”.
Megjithatë, përpara kësaj ndeshje do të zhvillojë një miqësore me skuadrën e drejtuar nga Ismet Munishi.
Ky takim tanimë është konfirmuar dhe do të zhvillohet të enjten e 3 qershorit.























