10:51 / 08.06.2021
Prokuroria ngrit 41 aktakuza brenda 24 orëve të fundit
Prokuroria e Shtetit ka njoftuar se gjatë 24 orëve të fundit janë ngritur 41 aktakuza kundër 58 personave.
Bazuar në raportin e Prokurorit të Shtetit, aktakuzat janë ngritur ndaj të dyshuarve për vepra të ndryshme penale.
Sipas njoftimit, me urdhër të Prokurorit janë ndaluar për 48 orë – 16 persona të dyshuar, ndërsa janë bërë gjashtë kërkesa për caktimin e paraburgimit për 8 persona, të dyshuar për vepra të ndryshme penale.
Më së shumti aktakuza gjatë 24 orëve të fundit janë ngritur nga Prokuroria Themelore në Ferizaj, e cila ka ngriutr 13 aktakuza kundër 17 personave, ka ndaluar një person të dyshuar dhe ka paraqitur një kërkesë për caktimin e masës së paraburgimit.























