14:06 / 30.06.2021
Ky është afati për dorëzimin e kandidaturës për kryetar të PDK-së
Anëtarët që duan të kandidojnë për kryetar të Partisë Demokratike të Kosovës kanë kohë që deri të enjten në orën 17:00 të paraqesin kandidaturat e tyre.
Kjo është bërë me dije nga deputetja e kësaj partie, Ganimete Musliu.
Musliu përmes një postimi në llogarinë e saj në “Facebook” ka thënë se sot grupi punues për organizimin e Konventës ka mbajtur takimin e rregullt.
“Grupi punues për organizimin e Konventës së jashtëzakonshme të PDK-së mbajti takimin e rregullt. Deri nesër në orën 17:00 presim kandidaturat për kryetar të PDK-se”, thuhet në njoftim.
Më 3 korrik PDK-ja zgjedh liderin e ri të partisë.























