Dybala-Juve, s’ka marrëveshje as pas takimit të tretë
BKT
Sport

Dybala-Juve, s’ka marrëveshje as pas takimit të tretë

Jorge Antun, menaxheri i Paulo Dybala, ka përfunduar takimin e tretë me drejtuesit e Juventusit për rinovimin e kontratës së numrit 10 të bardhezinjve.

Oferta e fundit e Juventusit ishte 8.5 milion euro në sezon, me bonuse që e çojnë pagën në 10 milion euro. Këtë shifër Dybala e do pagë bazë.

Antun ditën e sotme ka bërë propozimin e ri për rinovimin dhe gazetari Romeo Agresti shkruan se ende ka distancë dhe bisedimet do të vazhdojnë.

Kontrata e Dybala, aktualja, përfundon më 30 qershor 2022 dhe duhet gjetur një zgjidhje, pasi Juventusi nuk dëshiron ta humbasë me parametra zero.