Promovohet në Nju-Jork libri “Burden and Blessing” i Shqipe Sylejmanit
Sharr Travel

Promovohet në Nju-Jork libri “Burden and Blessing” i Shqipe Sylejmanit

Në ambientet e Konsullatës së Përgjithshme të Republikës së Kosovës në Nju-Jork u promovua libri “Burden and Blessing” i autores Shqipe Sylejmani.

Ambasadori Isufaj përgëzoi znj. Sylejmani për talentin e saj në të shkruar. Librin e saj të parë e cilësoi si një dëshmi të rrugëtimeve shumëvjeçare të diasporës shqiptare nëpër botë, për të cilin rrugëtim secili ka një tregim për të thënë.

Znj. Sylejmani, në prani të audiencës-dashamirëve të librit, lexoi disa copëza tregimi të përzgjedhura enkas për Diasporën Shqiptare në Nju-Jork. Anekdotat, tregimet e mitet e interpretuara qenë dëshmia më e mirë e zbulimit të gjurmëve jetësore të personazheve nga Kosova, Shqipëria, Mali i Zi e Maqedonia, të cilat gjithmonë mall e barrë i patën të afërmit dhe vendet e tyre.

Konsullata e Përgjithshme të Republikës së Kosovës në Nju-Jork gjithnjë i ka pasur dhe vazhdon t’i ketë të hapura dyert për promovimin e vlerave tona kulturore e historike.


MË SHUME NGA Kulturë