BE: Të drejtat pronësore të Manastirit të Deçanit të respektohen
Shefi i Zyrës së Bashkimit Evropian, Tomasz Szunyog, i cili gjatë ditë së enjte e ka vizituar Manastirin e Deçanit ka bërë thirrje Qeverisë së Kosovës që ta zbatojë aktgjykimin e Gjykatës Kushtetuese në lidhje me Manastirin në fjalë.
Sipas tij toleranca dhe respekti i ndërsjellë është çelësi për një shoqëri multietnike dhe demokratike.
“I bëj thirrje Qeverisë së Kosovës që të zbatojë aktgjykimin e Gjykatës Kushtetuese. Të drejtat pronësore të Manastirit duhet të respektohen”, ka shkruar Szunyog në Tëitter.
Gjykata Kushtetuese e Kosovës pesë vite më parë kishte marrë vendim, sipas të cilit i njihet e drejta e pronësisë Manastirit të Deçanit mbi 24 hektarë tokë.
Visited Deçan Monastery/Visoki Dečani 2day. Tolerance & mutual respect are key for a multi-ethnic & democratic society. I call on KS Government to implement CC judgment. The property rights of the Monastery should be respected. pic.twitter.com/PQDMnnV60p
— Ambassador Tomáš Szunyog (@EUAmbKS) November 25, 2021























