Kina me numrin më të madh të gazetrëve të burgosur
Numri i gazetarëve të burgosur për punën e tyre në mbarë botën arriti një rekord të ri në vitin 2021, me Kinën dhe Bjellorusinë ndër vendet më të këqija, ka paralajmëruar Komiteti për Mbrojtjen e Gazetarëve (CPJ), organizatë jo qeveritare e cila promovon lirinë e shtypit dhe mbron të drejtat e gazetarëve.
Sipas regjistrimit vjetor të burgjeve të CPJ, 293 gazetarë u burgosën për punën e tyre gjatë dymbëdhjetë muajve të fundit, nga 280 në 2020.
Ata gjithashtu theksoi se 24 gazetarë u vranë për shkak të punëstë tyre dhe 18 të tjerë vdiqën në “rrethana shumë të errëta për të përcaktuar nëse ata ishin objektiva specifikë”. “Ka qenë një vit veçanërisht i zymtë për mbrojtësit e lirisë së shtypit,” deklaroi CPJ
Kina mbeti shkelësi kryesor për të tretin vit radhazi me 50 gazetarë pas hekurave. CPJ vuri në dukje se “burgosja e pamëshirshme e gazetarëve nga Pekini nuk është e re”, por “kjo është hera e parë që gazetarët e mbajtur në Hong Kong gjenden në regjistrimin vjetor të CPJ”.
Myanmari fqinj, ku junta ushtarake organizoi një grusht shteti më 1 shkurt pas fitores së partisë së Aung San Suu Kyi në zgjedhjet e përgjithshme, u ngjit në pozitën e dytë.
Të paktën 26 gazetarë janë burgosur që nga grushti i shtetit, kur asnjë nuk ishte pas hekurave nën një qeveri të zgjedhur në vitin 2020. Ata u arrestuan kryesisht gjatë mbulimit të protestave pro-demokracisë dhe janë akuzuar për “një dispozitë të paqartë anti-shtetërore që penalizon gjerësisht nxitjen dhe përhapja e “lajmeve të rreme”, deklaroi CPJ.
Lista e shteteve me më shumti gazetarë të burgosur vazhdon me Egjiptin (25 gazetarë të burgosur), Vietnamin (23) dhe Bjellorusia, të cilat përfundojnë pesëshen e parë. Vendi i Evropës Lindore tani ka të paktën 19 gazetarë pas hekurave – nga 10 në vitin 2020. “Shtypja brutale kundër medias” filloi pas zgjedhjeve presidenciale të manipuluara të gushtit 2020, të cilat rivendosën Aleksandër Lukashenkon për një mandat të gjashtë radhazi.
Ashtu si në Mianmar, shumë prej gazetarëve u arrestuan ndërsa mbulonin protestat pro-demokracisë dhe fillimisht u mbajtën nga autoritetet pa asnjë akuzë për deri në 15 ditë. Shumë prej tyre po përballen me dënime të gjata me burg për akuza hakmarrëse dhe anti-shtetërore, të tilla si tradhtia.























