“Në kërkim të Venerës”, me regji të Norika Sefës, merr çmim në Itali
BKT
Kulturë

“Në kërkim të Venerës”, me regji të Norika Sefës, merr çmim në Itali

Filmi “Në kërkim të Venerës”, me regji të Norika Sefës, e ka korrur edhe një sukses të radhës.

Kësaj here, në Festivalin e Filmit në Trieste të Italisë, “Në kërkim të Venerës” e mori çmimin “Cineuropa”.

Kjo u bë e ditur nga producenti i filmit, Besnik Krapi, me anë të një postimi në rrjetin social Facebook.

Në film luajnë: Kosovare Krasniqi, Rozafa Çelaj, Erjona Kakeli, Basri Lushtaku, Bleon Monolli, Fatushe Nushi, Ajan Zharku, Ermal Bilalli, Tristan Halilaj, Shend Miftari, Anisa Ismajli, Sheqerie Buqaj etj. Me drejtor të fotografisë – Luis Armando Arteaga, montazhë – Stefan Stabenoë, skenografi – Arben Shala, zërim – Risto Alchinov, kostumografi – Desantila Lika, dhe grim – Lidona Berisha.

“Në kërkim të Venerës”, me producent Besnik Krapin, është bashkëprodhim në mes të Kosovës dhe Maqedonisë së Veriut, i prodhuar nga Circle Pruduction dhe me bashkëproducent Igor Popovskin dhe Gazmend Nelën. Filmi gjithashtu është mbështetur edhe nga Komuna e Kaçanikut dhe Komuna e Prishtinës.


MË SHUME NGA Kulturë