07:38 / 12.02.2022
Ish-presidenti i Kroacisë sot në Kosovë
Ish-presidenti i Kroacisë, Stipe Mesiq sot do të qëndrojë në Kosovë.
Kuvendi i Kosovës nëpërmjet një njoftimi drejtuar mediave ka bërë të ditur se kryetari i Kuvendit, Glauk Konjufca, do të takohet me ish-presidentin e Kroacisë.
Takimi do të zhvillohet në kabinetin e kryetarit të Kuvendit në ora 11:00.
Mesiq shërbeu si president i Kroacisë nga viti 2000 deri më 2010. Gjithashtu, ishte një nga figurat më të zëshme në Ballkan pro pavarësisë së Kosovës.























