09:01 / 09.03.2022
Ministri Latifi raporton sot në Komisionin për Shëndetësi
Komisioni për Shëndetësi dhe Mirëqenie Sociale sot mban mbledhje, ndërsa në rend dite është raportimi i ministrit të Shëndetësisë, Rifat Latifi.
Mbledhja e Komisionit mbahet në orën 10:00. Ministri Latifi do të raportojë për punën dhe sfidat e Ministrisë së Shëndetësisë, roli mbikëqyrës i Ministrisë në raport me SHSKUK-në dhe strategjinë legjislative të Ministrisë së Shëndetësisë për vitin 2022.
Ndërkohë Instituti Kombëtar i Shëndetësisë Publike të Kosovës, informon se në total numri i rasteve aktive me coronavirus është 864. Ndërsa në 24 orët e fundit janë dhënë 463 doza të vaksinës kundër COVID-19./RTKlive























