Rikonfirmohen kandidatët për kryeprokuror të shtetit
Këshilli Prokurorial i Kosovës (KPK) ka rikonfirmuar listën e kandidatëve për kryeprokuror të shtetit.
Sipas një komunikate të KPK-së, ky rikonfirmim i kandidatëve ka ardhur pas tërheqjes së prokurorit Arben Ismajli nga gara për kryeprokuror të shtetit.
Këshilli Prokurorial i Kosovës më 18 mars ka ftuar pesë kandidatët për kryeprokuror të shtetit për intervistim nga paneli vlerësues.
Kandidatët e rikonfirmuar sot nga Këshilli Prokurorial i Kosovës:
1. Armend Hamiti, prokuror në Prokurorinë Themelore të Prishtinës;
2. Blerim Isufaj, kryeprokuror në Prokurorinë Speciale të Republikës së Kosovës;
3. Kujtim Munishi, kryeprokuror në Prokurorinë Themelore të Prishtinës;
4. Lulzim Sulejmani, prokuror në Zyrën e Kryeprokurorit të Shtetit; dhe
5. Shqipdon Fazliu, prokuror në Zyrën e Kryeprokurorit të Shtetit.























