Lozana konfirmon pezullimin e Rusisë
Drejtuesit e futbollit rus kanë dështuar në një përpjekje për të pezulluar ndalimin e skuadrave të tyre që të paraqiten në garat e UEFA-s.
Unioni Rus i Futbollit (FUR) paraqiti një apel në Gjykatën e Arbitrazhit Sportiv (CAS) pasi klubet dhe ekipet e saj kombëtare u ndaluan nga të gjitha garat e FIFA-s dhe UEFA-s pas fillimit të agresionit të Rusisë mbi Ukrainën. Rusia nuk u pajtua aspak me vendimin dhe paraqiti apelin e saj, duke kërkuar gjithashtu një pezullim fillestar të tij. Megjithatë, CAS, e cila ende nuk ka shpallur një orar për seancën e apelit, ka refuzuar të pezullojë sanksionet e UEFA-s. “Vendimi i kundërshtuar mbetet në fuqi dhe të gjitha ekipet dhe klubet ruse vazhdojnë të mbeten të pezulluara nga pjesëmarrja në garat e UEFA-s”, thuhet në një deklaratë të CAS. Spartak Moska ishte përfaqësuesi i vetëm i mbetur i Rusisë në kompeticionet evropiane të klubeve në kohën e vendimit, me kundërshtarët RB Leipzig që u kualifikuan direkt në çerekfinalet e Europa League. Njoftimi i CAS-it të së martës vlen vetëm për garat e UEFA-s. Rusia shpreson të anulojë këtë vendim në FIFA-s që potencialisht do t'i lejojë ata të luajnë në Kupën e Botës.























