Kievin e pret fati i Sarajevës?
BKT
Lajme

Kievin e pret fati i Sarajevës?

Jeton Musliu

Është vetëm një person që mund t`i japë fund luftës në Ukrainë dhe ai është presidenti rus, Vladimir Putin. Kështu deklaroi në intervistë për RTK-në, gazetari izraelit, Itai Anghel, i cili për tre javë raportoi nga Kievi.

E në këtë situatë, sipas tij, lufta atje do të zgjasë. Në intervistën e plotë që transmetohet në RTK1 e RTK3 sonte  (e mërkurë) në emisionin “Imazhi i ditës”, ai rrëfen për përkeqësimin e situatës humanitare atje.

"Është shumë ftohtë. Është minus 3 gradë. Dhe tani nuk mund të gjesh ushqimin që mund të blesh, e të cilin ke mundur ta blesh para një jave”, thotë Anghel në këtë intervistë.
 “Prandaj situata është duke u përkeqësuar".

Gazetari izraelit deklaroi se sheh ngjashmëri mes luftës në Ukrainë dhe atyre në Kosovë e Bosnje e Hercegovinë e sidomos në Sarajevë, ku bombardoheshin ndërtesat dhe snajperistët ishin në çdo qoshe.

"Edhe atje i sheh gjërat që shihen në çdo luftë dhe  ka ngjashmëri".

Megjithatë, Anghel deklaron se atje frika është edhe më e madhe sepse vërehet qartë se NATO nuk do të ndërhyjë. Për më tepër, deklaron se edhe vednet e tjera si Moldavia, kanë frikë nga Rusia. “Kjo luftë nuk është e lidhur vetëm me Ukrainën e  Rusinë”.

Sipas gazetarit Itai Anghel, kësaj situate, fundin mund t'ia vendos vetëm një njeri.
"Është një person që vendos është vetëm një burrë dhe ky është Vladimir Putin".


MË SHUME NGA Lajme