Maqedoni e Veriut, braktisja e vendit fenomen i rëndë
Besnik Hiseni/RTKlive
Mbi 20 vjet nga ky vend janë emigruar mbi 300 mijë qytetarë në kërkim të një jete më të mirë.
Qytetarë të shumtë nga Maqedonia e Veriut po ikin çdo ditë drejt vendeve të Evropës për një jetë më të mirë.
Zhgënjimi nga jeta e rëndë ndikon që edhe arsimtarë, mjekë, të këtij shteti të shkojnë drejt mërgimit.
Numri i atyre që largohen nga Maqedonia për në vendet evropiane besohet se janë me qindra brenda javës.
Emigrimi i qytetarëve nga vendi ka ndikuar në zvogëlimin e numrit të nxënësve nëpër klasa.
“Shpërngulja e nxënësvë bëhet në kontinuitet. Ne shohim brenda vitit të vijnë prindërit t’I marrin fëmijët e largohen nga vendi. Krejt kjo ndodhë për shkak të jetesës së rëndë në vend, papunësia, çmime të larta të artikujve ushqimorë, etj.”, deklaroi një nga mësuesit ,
Ndërkaq eksperti i ekonomisë, Drilon Hiseni, vlerëson se vendit i nevojite politika stimuluese të zhvillimit të bizneseve për të ndaluar largimin e të rinjve nga shteti.
“Stimulimi i bizneseve ‘Start upp’ që të rinjtë të rrinë të vazhdojnë të punojnë këtu”, tha Drilon Hyseni.























