Sveçla: KE rikonfirmon se Kosova ka plotësuar kriteret për heqjen e vizave
BKT
Lajme

Sveçla: KE rikonfirmon se Kosova ka plotësuar kriteret për heqjen e vizave

B. Halimi / RTKlive

Ministri i Punëve të Brendshme, Xhelal Sveçla ka takuar sot në Bruksel komisionaren evropiane për punë të brendshme, Ylva Johansson.

Ai e ka falënderuar atë për ri-konfirmimin nga Komisioni Evropian se Kosova ka plotësuar në tërësi kriteret për lëvizjen e lirë për qytetarët e saj.

“Komisionerja e BE për Punë të Brendshme Johansson ka ri-konfirmuar që Komisioni qëndron prapa vlerësimit të tij dhe se puna vazhdon tutje në kuadër te procesit ekzistues deri në kompletimin e Liberalizimit të Vizave. Biseduam mbi arritjet e Qeverisë sonë nga hera e fundit kur jam takuar virtualisht me znj. Johansson. Lufta ndaj krimit, korrupsionit, trafiqeve të ndryshme dhe të gjitha veprimtarive ilegale mbetet prioritet i yni andaj në këtë kuptim kam shprehur gatishmërinë tonë për bashkëpunim të ngushtë me të gjitha shtetet aleate për krijimin e stabilitetit në vendin tonë dhe më gjerë”, ka shkruar Sveçla në Facebook pas takimit në Bruksel.


MË SHUME NGA Lajme