Zyrtari i lartë i NATO-s nesër viziton Kosovën
BKT
Foto nga profili i Mircea Geoana në Twitter
Lajme

Zyrtari i lartë i NATO-s nesër viziton Kosovën

Afet Bela / RTKlive

Një delegacion i lartë Këshillit të Aleancës Veri-Atlantike do të zbarkojë në Kosovë më 7 korrik dhe do të vizitojë misionin e KFOR-it dhe Ekipin Këshillues dhe Ndërlidhës të NATO-s. Nënsekretari i Përgjithshëm i NATO-së, Mircea Geoana, do të drejtojë takimet në terren.

Gjithashtu Geoana do të takohet në Prishtinë me presidenten e Republikës së Kosovës, Vjosa Osmanin, dhe gjithashtu kreun e Listës Serbe, Goran Rakiq.

“Ambasadorët e Aleatëve dhe të Partnerëve kontribuues të trupave të KFOR-it do të takohen me komandantin e KFOR-it, gjeneralmajor Ferenc Kajári dhe drejtorin e Ekipit Këshillues dhe Ndërlidhës të NATO-s në Kosovë, gjeneral brigade Joachim Hoppe. Ata do të kenë edhe një shkëmbim me shefat e misioneve të Bashkimit Evropian, EULEX-it, OSBE-së dhe UNMIK-ut. Ambasadorët do të kenë mundësinë të angazhohen me trupat e KFOR-it”, thuhet në njoftimin e NATO-s.

Lajmin e ka bërë të ditur edhe zëdhënësja e NATO-s, Oana Lugescu.

 https://www.nato.int/cps/en/natohq/news_197796.htm?utm_source=twitter&utm_medium=natopress&utm_campaign=20220706_kfor

 


MË SHUME NGA Lajme