17:12 / 21.07.2022
Osmani i uron shërim sa më të shpejtë Biden
Presidentja e Kosovës Vjosa Osmani i ka uruar shërim të shpejtë homologut të saj amerikan Joe Biden, pasi ky i fundit u konfirmua se është prekur me koronavirus.
Ajo në një postim në Twitter ka shkruar se populli i Kosovës dërgon urimet e tij më të mira.
“I uroj shërim të shpejtë presidentit Biden. Populli i Kosovës dërgon urimet e tij më të mira”, shkruan Osmani.
Biden u konfirmua sot pozitiv me koronavirus dhe është vënë në izolim, por do të vazhdojë me kryerjen e plotë të detyrave, njoftoi sot Shtëpia e Bardhë.























