Haradinaj: Afati për zbatimin e reciprocitetit të shfytëzohet me seriozitet
BKT
Foto: RTKlive
Lajme

Haradinaj: Afati për zbatimin e reciprocitetit të shfytëzohet me seriozitet

Kimete Kasumi/ RTKlive

Kryetari i Aleancës për Ardhmërinë e Kosovës, Ramush Haradinaj ka thënë se Kosova nuk e ka komoditetin të bëjë eksperimente.

Përmes një postimi në llogarinë e tij në Facebook, Haradinaj ka thënë se operacionet e sigurisë për shtrirjen e sovranitetit, duhet të studiohen, të analizohen e të shpjegohen mirë.

‘Kosova nuk e ka komoditetin të bëjë eksperimente. Operacionet e sigurisë për shtrirjen e sovranitetit, duhet të studiohen, të analizohen e të shpjegohen mirë. Çdo veprim i lënë në gjysmë të rrugës, siç ishte ai i mbrëmshmi, është humbje për Kosovën. Zbatimi i rendit dhe ligjit është i pa alternativë dhe duhet të bëhet në konsultim të ngushtë me aleatët e sigurisë", tha ai.

Ai ka thënë se afati për zbatimin e reciprocitetit duhet shfytëzuar me seriozitet.

"Afati prej 30 ditësh për zbatimin e reciprocitetit duhet të shfrytëzohet me shumë seriozitet. Shteti i Kosovës nuk dobësohet vetëm nga bandat kriminale në veri, por edhe nga të paditurit e praktikantët në qeveri. Kushtetuta e vendit është më e fortë sesa kriminelët në veri, e të paditurit e praktikantët në qeveri", ka shkruar ai.

"Qeveri, nëse hala je qeveri, voto ligjet e forcoje Policinë, ligjn për paga dhe ligjet për sigurim shëndetësor e pensional. Nëse s'je qeveri, do të shihet me 31 gusht", ka përfunduar Haradinaj.

Mund të jetë një imazh i 8 persona dhe ambiente të jashtme


MË SHUME NGA Lajme