Kosova strehon edhe 146 afganë
Lajme

Kosova strehon edhe 146 afganë

Blerim Halimi / RTKlive

Edhe 146 afganë kanë arritur në Kosovë. Një gjë të tillë e ka bërë të ditur ministri i Punëve të Brendshme, Xhelal Sveçla përmes një njoftimi në Facebook.

“Sot mirëpritëm në Republikën e Kosovës 146 qytetarë afganë dhe procedurat e pritjes së tyre tashmë kanë përfunduar dhe janë akomoduar sipas marrëveshjeve paraprake”, ka shkruar Sveçla.

Sipas tij ky proces po zhvillohet jashtëzakonisht mirë falë bashkëpunimit të ngushtë me aleatët, SHBA-në dhe NATO-n.

“Në koordinim me të gjithë akterët e brendshëm institucional dhe shtetet aleate të Republikës sonë, jemi të angazhuar maksimalisht që të gjithë qytetarëve që po ballafaqohen padrejtësisht me konflikte e luftë, të ju mundësojmë strehim, mirëqenie e siguri për aq kohë sa janë në shtetin tonë”, ka shkruar tutje ministri Sveçla.

Pasi talibanët morën pushtetin në Afganistan në gusht të vitit të kaluar, SHBA-ja nisi përpjekjet për largimin e afganëve të cilët kishin punuar për Uashingtonin dhe shtetet aleate, pasi ata dhe familjet e tyre ishin të rrezikuar nga rikthimi i talibanëve në pushtet.

Kosova ishte zotuar të pranojë deri 2,000 shtetas afganë, derisa atyre t’iu përfundojnë procedurat ligjore për riatdhesim në SHBA dhe vende të tjera.


APR
Romay Lift

MË SHUME NGA Lajme