Molliqaj: Marrëveshja për dokumente është legalizim i trajtimit etnik
BKT
Foto: Elmina Osmani /RTK
Lajme

Molliqaj: Marrëveshja për dokumente është legalizim i trajtimit etnik

Elmina Osmani/ RTK

Partia Socialdemokrate e Kosovës, ka zhvilluar një aksion simbolik në hyrje të ndërtesës së Qeverisë së Kosovës.

Me këtë aksion, ajo shprehu qëndrimin e saj se procesi i dialogut Kosovë-Serbi, ka pësuar ndryshime.

Megjithatë, sipas PSD-së, këto ndryshime janë negative.

Kreu PSD-së, Dardan Molliqaj tha se me dakordimi i kryeministrit Kurti me presidentin e Serbisë, Vuçiq, ka legalizuar dokumentet që Kosovën e trajtojnë si pjesë të Serbisë.

“Ky as nuk është reciprocitet. Ky është veç legalizim i trajtimit etnik”, tha Molliqaj.

Sipas tij, krejt çka mund të thuhet është se nëse deri më tani ka pasur probleme dhe diskutime mes Kosovës dhe Serbisë, tani është krijuar entiteti i tretë.

“Pra, entiteti i veriut”, tha Molliqaj.

Kryetari i PSD-së foli edhe  për marrëveshjen për energjinë, e  që sipas tij veriun e trajton ndryshe.

“Edhe inkasimin edhe rrjetin edhe regjistrimin e orëve e bën kompania e Serbisë. Tash i keni dokumentet të cilat janë të vjetra, por që janë legalizuar tash e që e trajtojnë edhe veriun edhe Kosovën si pjesë të Serbisë”, tha kreu i PSD-së.

Sipas tij, tani Qeveria e Kosovës dhe policët kosovarë në kufi, i njohin këto. “Dhe, po shkojmë drejt marrëveshjeve të tjera, që e trajtojnë veriun të veçantë e që është edhe Asociacioni”, tha Dardan  Molliqaj nga PSD.

Marrëveshja mes Kosovës e Serbisë për njohjen reciproke të letërnjoftimeve, pritet të fillojë se zbatuari me 1 shtator.

 


MË SHUME NGA Lajme